GÖRMEKSIZ GYZ
Ine, baryañ umydyña büdüräp,
Egniñ horlugyna utanyp çala.
Uzakda orkestr joshup-titreyär,
Tans edyär owadan gyzlary bile.
Hor ellerñi çykarañok yeñiñden,
Olar birden yere yetäyjek yaly.
Geçip baryäñ yigitleriñ deñinden,
Gulaga yokumsyz bir saz mysaly.
Undup bilmän görmeksizje doglanyñ,
Yüregiñde hosh arzurlar besleyäñ.
Geçip baryan bir syratly oglanyñ,
Mylakatly söz aydaryn isleyäñ.
Emma yigitleriñ öz gaygysy bar:
Yörite yag bilen saçlaryn darap,
Olar wagtdanam ozup baryarlar,
Özlerniñ owadan gyzlarna tarap.
Ah, horja gyz, horlugyñdan horlanyañ,
Saña hosh söz diyjek yigit nirede?
Bu shäherde näçe diyseñ yigit bar,
Seni öye ugradanok biri-de.
Gyzlaram yanyña delmuryp gelip,
Owadan gülüship yüregñe düshyär.
Olar görmegini artdyrjak bolup,
Gezegine seniñ bilen tirkeshyär.
Öye gelyäñ. Gyyyar yüregñi ünjiñ,
Hasratdan çekilyär iki owurdyñ.
Aglayarsyñ: "Ah, eje jan, nämüçin
Meni beyle betgelishik dogurdyñ?"
Emma goñshy gelin- BIR GÖRMEGEY DUL,
Atasyz ogluna günäli bakyar.
Hem seniñ tersiñe,
Gussa-gam çekyär:
"Owadan dogulma,
Bagtly dogul!"
Aglama, gyz! Uyajygym, gam çekme,
Bilip bolmaz ykbalyñy öñünden.
Bu howlukmaç yigitleree at dakma,
Kim geçenok öz bagtynyñ deñinden.
Käte sheyle bolyar: görkdür-görmek,
Gidip otyr il içinde at alyp.
Yöne, nämüçindir tylla yüzük dek,
Yolda,
Gum içinde galyar sadalyk.
Tekepbir bol, çykyp bolmaz gaya dek,
Sada bol, aylaryñ dogushy yaly.
Sheyle yigitler bar, (OLAR BAR ENTEK)
Sen dek gayalarda olañ hyyaly.
GURBANNAZAR EZIZOW