Gözlerime uky girmez gijeler,
Sagat görkezip dur bäşiň ýaryny.
Her kim ýatyr, süýji ukusyn pozman,
Men entegem ýatlap otyryn ýarymy.

Öz-özüme ezýet edip gijeler,
Çekýän derdim üçin begenerdiň sen.
Bir damja ýaşyňy görsem gözüňde,
Umman ýaly dertde bogulardym men.

Sen diýipsiň, "maňa näme derdinden,
Ýatsa ýatsyn, ýatmasa hiç ýatmasyn".
Bir dilegim şu gysgajyk ömürde,
Gadyrsyzy söýmeli bir etmesin...

Kuwwat Ýazmuhammedow