Saňa mähriban adam diri gezip ýörkä onuň didaryny aýlap görmän gezilip ýör. Ine,bir günem ol gözlerini baky ýumýar. Şonda içini tutup aglaýarsyň, dünýäň gündizi ýaly gowy bir ynsanyň geçip gidendigini, ol günleriňem indi yzyna dolanmajakdygyny bilip,şasyny ütýärsiň.Sen oňa diýmeli sözüňi diýmänsiň, göz jöwherinden bölüp bermeli nuruňy bermänsiň. Sen iň bolmanda bir pursat onuň göwnüni ýaz edip biljek ekeniň ahyry! Ýok, başga obalarda, gerek däl ýerlerde eglenipsiň. Ol garaşandyr, seniň sözleriňe mätäç bolandyr.