ÇALYŞMAN
Keç ykbaly aýdym bilen bezedim,
Güller bilen arzuwlarmyň mazaryn.
Ulus-ile ýuwaş sesde aýtdym,
Nesibede ýok zatlaryň azaryn.
Söýdüm öz jepakeş, ýuwaş halkymy,
Halkyň söýgüsinem küýsedim örän.
/Bu gowgaly hem mähriban dünýede,
Biziň hemmämizem söýgüden dörän/.
Söýdüm diňe ezýetine gyýylyp,
Boldum, mydam jepasynyň şärigi.
Şeýle yhlas bilen akylly heleý
Söýýändir öz infarktly ärini.
Düşünmedi garny ýogyn nadanlar
Uly söýgä ykbalymy gatanma.
Barybir, men öz-özüme aýtdym,
Ştatlara çalyşmaryn Watanmy