Söýenleriň kagyz pula tapylmaz...

Çaga bolup dünýä inen mahalyň,
Dakylan at, ýöne ýere dakylmaz.
Dünýede, her zadyň sebäbi bardyr,
Wezipäň bolmasa, gapyň kakylmaz...
🍂🍃🍂🍃🍂🍃🍂🍃🍂🍃🍂🍃🍂🍃
Hökümdar bolsa-da beýikler, begler,
Ölümiň öňünde boýny egiler.
Duşman ýoluň ýapjak bolsa-da näler,
Allaň saňa açan ýoly ýapylmaz.
🍂🍃🍂🍃🍂🍃🍂🍃🍂🍃🍂🍃🍂🍃
Kösesen ýeriňde doganyň gelse,
Dost diýen ynsanyň dogan dek bilse,
Maşgalaň arkaňda dik duran bolsa,
Kynçylykdan arkaň ýere ýykylmaz.
🍂🍃🍂🍃🍂🍃🍂🍃🍂🍃🍂🍃🍂🍃
Agzy birdir duşmanlary ýykanlaň
Az däl aýrylykdan ömrün ýakanlar
Wagt barka gadryny bil ýakynlaň.
Soň söýenleň kagyz pula tapylmaz....