Bukjasynyñ bagyny, baglady gyz ýar-ýar,
Enesiniñ ýüregini, daglady gyz ýar-ýar.
Keşdä salyp döwrüni, nura bezär ömrüni,
Ene-atanyñ göwnüni çaglady gyz ýar-ýar.

Sünük barmak sünnäsi, üýtgeşik gyz dünýäsi,
Yşga ömrün gül ýaly, baglady gyz ýar-ýar.
Bukjasy hatar-hatar, waspy äleme ýeter,
Al öýmäñ şemal götär, galgady gyz ýar-ýar.

Ogryn bakyp ýaryna, ot salypdyr janyna,
Bagşy joşar şanyna, aglady gyz ýar-ýar.
Saýlap boýy-deregini, göwni gözlär geregini
Aşyk ýigidiñ ýüregini, awlady gyz ýar-ýar