Beýnimiň içinde gopgun turzuşyp,
Pikirler bu günem duelde durlar
Senli günler ykbalyma bir yşyk,
"Sensizlik" - dokuz harp, bir ömür bolar

Dünýämde ýeke reňk, olam garalyk
Tümlikde ýatan, kalby kör, biri men
Gitjek bir gün reňkli dünýä garylyp,
Şol umyt bile - entekler diri men...

Sendiň baky ylham, tükenmez gorum
Sensizlikde boşap galdy söz känim
Hem-ä ýekedigiň gaýtalap ýörün,
Hem gözleýän saňa meňzeş özgäni...


Ylham GURBANALYÝEW