Bir akmagyň soragyna
Üç akylly derläp otyr
Bilmedigni özi bilmän
Bilýänsiräp gürläp otyr

Oýlaman hiç soň-öňini
Bulaşdyryp duş-deňini
Mahabatlap päk tenini
Pula gyzyp ýerläp otyr

Öň tertipsiz diňe Çary
Indi meňzeş bulaň bary
"Ejjeň" diýe sözüň ýary
Juwan dili heňläp otyr

On nikaby ýüze geýip,
Haram bolsun - bildi iýip
"Sagbolsunlar öldi" - diýip
Wyždanlarmyz şerläp otyr

Tegelekdir - bu pelegem
Her kime geler gezegem
Eginde iki melegem
Edenlerňi derňäp otyr

Ýagşa artsyn ynsan köpi
Kalpda dolsun iman gepi
Sebäp ajal kakyp gapy
Ynsan baryn deňläp otyr


Ylham GURBANALYÝEW