Hoş gal
Hoş gal, ters täleýim, durma duwlanyp,
Hoş gal, ýeriñ dört çüñkini sermanim.
Hoş gal dünýäñ gap bilinde , towlanyp
Ýere-göge ýerleşmedik armanym.
Bu başy sämedip gaýyşyp arkan,
Hoş gal, ýaşyl düzüm porhan bolanym.
Çaga wagtym sallançakda ýatyrkam,
Ýassygmyñ teýinde gurhan bolanym.
Hoş gal biweç söýgim,giç gelen güýzim
Men giderin galar sende yhlasym
Nazaryñdan awunaryn ezizim
Damagyny çalan günüm yhlasyñ.
Hoş gal garyp şemal hünübirýanym
Ediber saparyñ zeminde dowam
Özümem bilemok nirä barýanym
Hoş gal gözi ýollaryma bendiwan.