Adatydy atýan daňlar
Adatydy ötýän günler
Üýtgeşigem däldim öňler
Saňa duşmazdan ozal...

Dönüp döwük bir penjirä
Ýatyrdy kalbym ýeljiräp
Açmady güllem gunçalap,
Saňa duşmazdan ozal...

Duýmandyryn hiç, çep ýanym
Urgusy bagta çekýänin
Görmändir köp zat ykbalym,
Saňa duşmazdan ozal...

Gussalar gelip çakanda,
Yzalar ömri ýakanda,
Ýok ýalydym men jahanda,
Saňa duşmazdan ozal...


Ylham GURBANALYÝEW