🍁Durmuş hem gyzykly, hem kyn. Ýöne gyzykly tarapynyň kyn tarapyny basyp bilýändigi üçindir-dä, ýaşaýyş welin süýji. Durmuşdaky iň çylşyrymly zatlaryň biri adamyň daşky keşbiniň içki dünýäsini doly açyp bilmeýänliginde. Şonuň üçinem oýnap duran tilki gözler, ýasama gelşik berlen ýüzler ýüregiň matlabyny känbir ýaňzytjagam bolanok, belki ol munuň wezipesi hem däldir. Şonuň üçinem biziň daşky keşbe aldanýan pursatlarymyz az däl. Ýöne Hakda hem-de halkda bir adyl göz bar. Biri görmese, ikinji biri hökman görýär. Taňry ýitgileriň öwezini teselli bilen, sabryňa sogap bilen, başga bir has gowy zat bilen ödär. Ýöne iman ýitgisiniň öweziniň barlygy hakynda entek hiç zat eşidemok. Belki iň agyr ýitgi şudur🥀
-Rahmet Gylyjow