Eý agalar Ýolöteniň düzündä
Meniň Sona boýlym çykda gitdi
Alma ýaňagyndan ap ak ýüzünden
Lagly merjenleri dökdi de gitdi

Goş bilezik hyp ýaraşar desinde
Jellat gözler jan almagyň kastyna
Akjemalyň ak maýanyň üstünde
Bir keniz başyny çekdi de gitdi

Ýerden gökden göterilipdir kararym
Jana alyp zyýan zülpün daranym
Akjemalym ap ak ýüzli Maralym
Gähin gähin bärsin bakdy da gitdi

Jereni bar owlagy bar çölüniň
Ördegi bar gazlary bar kölüniň
Kemine diýr Sona boýly geliniň
Zarynlap göz ýaşyň dökdi de gitdi


Kemine kitapdan goşgular çemeni