Ezizim ot ýakdym ýol ýakasynda
Gel otur,geçeli ojak başyna
Isleseñ ikimiz söhbet açaly
Ýalyn ýalkym salsyn degre- daşyna.

Her kimiñ öz derdi öz hyýaly bar
Kim meýlise barýar kimseler işe
Emma ot başynda ojak daşynda
Göwün posy açylýandyr hemişe

Aýby ýok käte sen böwriñi diñläp,
Oýa gidip otursañda sedasyz.
Göreş tutup hüjüm edip,hiç haçan
Ýeñen ýokdur ýer ýüzünde pidasyz.

Aýby ýokdur arzuw baryn eksegem
Käte gaty güläýsegem aýby ýok
Gözden gizlän hatamyzy aç-açan
Ot başynda biläýsegem aýby ýok.

Arzuw hyýal ot ýalyna öwrülip
Tüsse deýin gaýyp bolsun gussalar
Elmydama taplaýandyr ot bilen
Ýalaw ýaly ýaraglary ussalar.

Ezizim ot ýakdym ýol ýakasynda
Sowul çoýunmaga çavyrýan seni
Ýylyn-da ,ýoluña gidiber ýene,
Kaýyl men üşäñde ýatlasañ meni.