Oguz han adyndaky Inžener-tehnologiýalar uniwersiteti


MIR 24-iň habar berşi ýaly, Türkmenistanyň Oguz han adyndaky Inžener-tehnologiýalar uniwersiteti ýokary bilim baradaky britan žurnalyna habaryna görä ýokary okuw mekdepleriniň dünýä reýtingine girdi.

Reýtingde Umumy bal 13 görkeziji esasynda jemlenýär, olar bolsa öz gezeginde bilim, gözleg, sitirleme, önümçilik girdejileri we halkara integrasiýa ýaly bäş topara bölünýär. Uniwersitet barada aýtsak, ol üç sany durnukly ösüş maksady: «Arzan, ygtybarly we häzirki zaman energiýa çeşmelerine elýeterliligi üpjün etmek», «Durnukly infrastrukturany döretmek, senagatlaşmagy we innowasiýalary ösdürmek» we «Global hyzmatdaşlygy güýçlendirmek» maksatlary üçin ykrar edildi.

— Bilim ojagymyň dünýäniň iň gowularynyň hatarynda ykrar edilendigine begenýärin. Munuň özi dünýädäki öňdebaryjy uniwersitetler bilen bir hatarda, inženerçilik biliminiň global özgertmelerini durmuşa geçirmäge işjeň gatnaşmagy, taslama esasly okuw platformasyna geçirilmegini öňe sürýär we bilimi dünýäniň öňdebaryjy uniwersitetlerinde dowam etdirmäge mümkinçilik berýär — diýip, uniwersitetiň talyby Rahymguly Begmyradow ýürek buýsanjyny paýlaşýar.

Oguz han adyndaky Inžener-tehnologiýalar uniwersiteti Türkmenistanda ýapon modeline esaslanýan okuw meýilnamasy bolan ýeke-täk okuw mekdebidir. Bu ýerde «nanomateriallar», «biotehnologiýa» we «robotika» ýaly 10 ugur boýunça hünärmenler taýýarlanylýar.