Noýabr ýygnap ýör goş-golamyny,
Dekabr digdiräp bosagada dur.
Diýmek, biz ýollary başgalamaly,
Sen şoňa göwünjeň, men şoňa mejbur.

Hoş gal, ýeke ýyllyk ýoldaşym meniň,
Hoş gal, meniň bir ömürlik ýatlamam.
Boldy seni aşa kösän ýerlerim,
Ödelmän galannam bagyşla tamaň.

Gitseň, ak ýol arzuw edýärin saňa,
Bilýäň-ä başga zat gelmez elimden. 😔
Barsaň salam ýetir, şo-ol meň aslyma,
Ýigrimi ýedi ýaşan kölegesinden.

Mätgurban Mätgurbanow