Ýene howa garalyp, ýagyş çisňäp başlady. Leýlisaçlar eda bilen, saçlaryny çöşledi

Beýle pikir etmändim men, bu golaýda bu çakda,
Birden agyr oýa batdym, ölüm hakda, sen hakda.

Oýa batdym: ýoklugymda öňküsi deý ýagar ýagyş,
Gunçalar agzyny açar, aýnamyza çeker nagyş,

Dag tarapdan taýyp geler ýaşyl şemal näzik şemal,
Niçik oýa batarsyň sen meniň ýoklugymda şo hal.

Geldi şonda göz öňüme bir perişan halyň seniň,
Edil şunky howa ýaly, syýa ýaly şalyň seniň.

Hesretiň gara deňzinde gark bolup ýörşiň seniň.
Mensiz galan bu dünýäni dowzah deý görşüň seniň.

Diýdim şonda öz-özüme: “Eý ýok zatlaň pikirin eden,
Heý ýary şu halda taşlap, gidip bormy bu dünýeden?”

Gurbannazar Ezizow