Düýnlerini seljerenler,
Geljegini görüp biler.
Ynsabyna baş egenler,
Çyn ýürekden söýüp biler.

Özüni hormatlap bilen,
Hormatlap biler özgäni.
Baha kesme öz-özüñe,
Ýeterlik iliñ ölçäni.

Durmuş şükürden ybarat,
Näşükürlik ömre duşman.
Öz ýazynda ýazlap bilmez,
Özge ojaklarda gyşlan.

Ak ertirleñ gurujysy,
abraý ömrüñ ussasydyr.
Çyn söýenleñ aýralygy,
Jähennemiñ nusgasydyr.

Durmak däldir durmuş diýen,
Haýyr-şerde taplanmakdyr.
Iñ dogrusy : ahyrsoñy
Hak ýolunda aklanmakdyr.

Isa Hojamerdanow