Amerikaly zenan internetdäki «Google Earth» ulgamyny gözden geçirýän wagty ulagda oturan başga planetalynyň üstünden barandygyny gürrüň berdi diýip, «Gazeta.ru» ýazýar.

Kristal Pattersonyň sözlerine görä, ol satuwa çykarylan garažyň ýerleşýän salgysyny anyklamak üçin «Google Earth» ulgamyndan peýdalanypdyr. Köçeleriň uly suratlaryny gözden geçirýärkä, zenanyň ünsüni duran ulagyň şekili çekipdir. Suraty golaýdan synlanynda, Kristal ýolagçynyň ornunda oturan başga planetalyny saýgarypdyr.

«Meniň kimi görendigimi kim aýdyp biler?» diýip, Kristal sosial ulgamdan peýdalanyjylara ýüzlenipdir.

Ulanyjylaryň käbiri Pattersonyň, hakykatdanam, haýsydyr syrly şekili görendigini tassyklasa, beýlekiler munuň optiki bozulmadygyny aýdýarlar, şonuň üçin suratdan başga planetaly gelmişegi gözläp oturasy iş ýok diýip hasaplaýarlar