Eje hakda dogan hakda, bat berip ýogyn sesine,
,,Şygrym" diýip okan bolýar birki sany erni suwly,
Ne-hä enä ne dogana wepasy ýok, jepasy kän,
Parhynam bilenok ýogsa, toprak näme? Ýermi- suwmy?...

Hawa, näme bileñde nä?,
Bilenñi amal etmeseñ,
Ýa şol saña kämillikmi?,
Gepläñde akyl gepleseñ.

Derejemi, üstünlikmi,
Näme siziñ höwesiñiz?,
Arka taşlap ar-namysy,
Batly çykýar çañ sesiñiz.

Käte döwri gyssaýañyz,
Şonsyzam tiz geçýär wagt,
Kaşañ öý, pul, maşyndamy,
Aýdyñ ahyr, näme bagt?.

Gepläñizde dür seçilýär,
Köpüñize maýyl bolýan,
Birdenem serime gelip,
Hiläñize taýyn bolýan.

Pul baryny seçip durlar,
Öñlerinde şilkilläne,
Gün geler akaryñ gurar,
Boş pikir geler kelläñe.

Salamy unytdy köpler,
Ähli ünsi telefonda,
Ýeñilleşdi ýalan gepler,
Belanyñ körügi şonda.

Ýene biri ,,bahyl" diýýär,
Dogrylygy ýüze bassañ,
Ynsap, yhsan ýitip barýar,
Beýnimizden assa-assa...

Awtory: Baýram Bejidow