Barybir sensizlik kyn gelýär maña,
Aranyñ daşlygy edenok täsir,
Janymdan eý görüp, ezizläp her dem,
Seni hiç görmezden söýmegim täsin.

Ynan hiç bir zada çalyşman seni,
Señ ýeriñi dolup bilmez öñýeten,
Adyñy kalbymda möhürläp goýdum,
Belki unudaryn geýemde kepen.

Senden başga görünenok gözüme,
Seretsene edil gözli kör ine,
Kemli göwnüm şonda ynjalyk tapar,
Gelnim bolup geleniñde törüme.

Goý, gepimiz edibersin bahyllar,
Gulak asman, saña bolan ynam bar,
Iñ bolmanda, bu çäklije ömürde,
Senli günleñ geljegine ynanýan.

Çañ durmuşyñ dyrnaçaklap ýüzüni,
Kyn bolsa-da saña tarap iterin,
Söz beremok, ýöne demim durmasa,
Senli güne bir gün hökman ýeterin...

Awtory: Baýram Bejidow