Eje, bu gijeler şeýle bir uzak
Wagty bilen atanoga dañlaram.
Ýalñyz galanymy bileni bari
Meñ ýanymdan gidenoga gamlaram.

Eje,bu giñ şaher şeyle bir sowuk,
Doñup barýar barmaklarym gögerip,
Öñler bu şäherde aýdym aýdýardym,
Bokurdagma sygdygyndan gygyryp.

Eje,günler maña şeýle bir agyr,
Dyzlarymda ejizleme duýulýar.
Aýdybam bilemok entek kop zady,
Eger aýtsam ene kalbyñ gyýylýar.

Eje, näme üçinka çep tarapymda,
Göterip ýören deý dünýäniñ ýükün.
Ejeler älemiñ hany diýilýär,
Meni beýtmezlige beraýiñ höküm.

Eje, janym ejem, mahriban ejem,
Garypja ogluña köp görip munam,
Bar baýlygym gülki bilen bagtdy,
Rehimsizler gelip aldylar onam.

Awtory: Hommat Hommadow.