Elektron poçta belgisi @ nädip döredi?
Internediñ resmi taryhynda elektron poçta salgysyndaky @ belginiñ amerikaly elektronika inženeri Reý Tomlinson tarapyndan girizilendigi kabul edilýär.
Ol 1971-nji ýylda Web arkaly dünýädåki ilkinji elektron habaryny iberdi. Şol pursatda birbada 2roly(iberiji we kabul ediji) ýerine ýetirmäge mejbur boldy. Şeýle hem e-poçta salgysynyñ görnüşini özi oýlap tapmalydy. Atlaryñ ýazylyşynda bulaşyklygyñ öñüni almak üçin "bölüji" hökmünde klawiaturada berlen atlarda we familiýalarda hiç hili gabat gelmeýän nyşan saýlady. Kompýuter klawiaturasynda bolsa, bu nyşan ýazuw maşynlarynyñ klawiaturasyndan miras hökmünde peýda boldy. 1885-nji ýylda "Underwurd" ýazuw maşynynyñ (ABŞ) ilkinji modeli @ nyşanly klawişa bilen enjamlaşdyrylypdy.
@ nyşanynyñ özi orta asyrlardan gelip çykýar. Italýaly gözlegçi Jorjio Stabile Florensiýanyñ golaýyndaky Prato şäheriniñ Ykdysady taryh institutynyñ arhiwinde bu nyşanyñ ilkinji gezek ýazmaça ýazylan resminamasyny tapdy. 1536-njy ýylda ýazylan bir resminamada (florensiýaly bir täjiriñ hatynda) Ispaniýa gelen we ýükleriniñ bir bölegi hökmünde @ nyşany bilen bellik edilen çakyr gaplary bar. Stabile @ belgisiniñ "amfora" sözüni çalyşýan ölçeg birligi hökmünde ulanylandygy barada netijä geldi. ("amfora" gadymy döwürlerden bäri uniwersal göwrüm ölçegleriniñ atlandyrylyşy)
Şeýlelik bilen, häzirki zaman poçta belgisiniñ asyl manysy gadymy döwürdäkiden düýpgöter tapawutlanýar.