Adamlar bagyşlaň birek-biregi!

Iman eseridir-geçirimlilik,
Adamlar bagyşlaň birek-biregi!
Ynsap keseridir - geçirimlilik,
Adamlar bagyşlaň birek-biregi!

Öýkeli gezmeklik günädir-ynan,
Ýaraşsynlar göwni syndyran- synan,
Hiç kim perişde däl Asmandan inen,
Adamlar bagyşlaň birek-biregi!

Ýagşylar hemişe hoşluga ýardyr,
Oňşuksyz bendäniň dünýäsi dardyr,
Birinde bar kemlik -hemmede bardyr,
Adamlar bagyşlaň birek-biregi!

Göwün gapysyny açyp bilýänler,
Töwella-tobany seçip bilýänler,
Beýikdir günäni geçip bilýänler
Adamlar bagyşlaň birek-biregi!

( Gysgaldylyp alyndy)