Gussalarmy paýlaşan,
Janym jigim, gelsene!
Wepa Söýliýew bolup,
Aýdym aýdyp bersene!

Unudaýyn dünýäni,
Diňläp, seniň sazyňy,
Başga bagşa deňemen,
Owadan owazyňy.

Tukat wagtym güldüren,
Güler ýüzüň solmasyn!
Aramyza a:l saljak,
Şeýtana ýol bolmasyn!

Sen ahyr meň mydarym,
Hossarym, arkadagym,
Ugrun tapyp göwnümiň,
Bolduň sen wepadarym.

Saňa "dostum" diýmerin,
Dogandan-da ýakynsyň,
Körpelikden saýlanman,
Käte içim ýakansyň ... ))

Bir "jigim" diýip, söýsem,
Bir-de hasa söýendim,
Käte bolsa buýsanyp,
Öz ýanymdan öwündim.

Nädip buýsanmaýyn men?
Hem dizaýner, hem ussa,
Şygry bilen begendi:r,
Käte ýüregiň gyssa.

Gije Aýa deňedim,
Ýagty saçdyň ýoluma,
Gündiz güne deňänim,
Goltgy bolduň, goluma!

Jigim, jigim, jan jigim!
Näme ýazsam, az saňa,
Waspyňa söz tapamok,
Her sözleriň ýa:z maňa.

Awtory: Mylaýym