Ýene okuw diýip gaýtýas Ejejan.
Ep-esli menzili goýup arada.
Gaýgysyz okaýas,iýip-içýäs,gezýäs.
A sen gezýäň,edip bizi alada.

Käte uly zady kiçeltýäris biz,
Käte kiçi zady ulaltýas,Eje.
Unudamzok aýdym,kino,gybaty,
Ýöne,köplenç seni unutýas Eje.

Bu ýyllar çal sepip gara saçyňa,
Bu ýyllar maňlaýyňa goýupdyr gasyn.
Irde-giçde undylsa-da oňat zat,
Mukaddes Eneler unudylmasyn!