Birini söýmeli bolsa,
Ejem gelýär gözöñüme,
Hoş sözi diýmeli bolsa,
Ejem gelýär gözöñüme.

Teşne göwnümi çaglajak,
Ag:yma çyndan aglajak,
Meñ üçin bagryn daglajak,
Ejem gelýär gözöñüme.

Garamy ýapyp agymy,
Gülletjek köñül bagymy,
Dözmeli bolsa janymy,
Ejem gelýär gözöñüme.

Çümende aýagma gyýçak,
Gor ýaly göwnüni gyýjak,
Gussamy gözümden duýjak,
Ejem gelýär gözöñüme.

Ýüzüme sylyp aklygy,
Bildim her başa täkligin,
Diýseler ,,görkez päkligi",
Ejem gelýär gözöñüme.

Awtory: Baýram Bejidow