Özüme

On üçmi,
Ya on dört yasahap,
Çepek geyip, ile çykdyñ.
Galamyñy dula yaslap,
Çep gulakly pile çykdyñ.

Atañ öldi. Towlanmadyñ.
Möññürmediñ. Togalanmadyñ.
Ya-da juda oglanmydyñ?
Me sebäpden beyle çykdyñ?

Aga yitdi. Ata öldi.
(Gezermikäñ hülli-hülli)
Yöne seniñ gatyñ geldi-
Eneñ bilen yola çykdyñ.

Kabul etdi, agras Tejen,
Bugdaylary goñras Tejen.
Burugsa burugsat Tejen,
Bir ot gözläp seyle çykdyñ.

Alym Tejen oda derek,
Berdi ot dek bugdayorak...
Dabanlaryñ darak-darak,
Sagdan ordyñ, sola çykdyñ.

Yer yùzüni bugday edip,
Her dessesin bogdak edip,
Bogdagyny baydak edip,
Yeñish üçin yola çykdyñ.

Gazdyñ hazy, çyzdyñ goshgy,
Yesir etdi gyzlañ yshgy.
Haysy görseñ sol hem yagsyhy,
Bir täsinje owlajykdyñ.

Mälediñ sen, mälediñ sen,
Birin hasam haladyñ sen.
Barmy puluñ, haladyñ señ,
Yokdy.
Derrew nola çykdyñ.

Bashky söygiñ yykdy aldap,
Böküp turduñ, bolduñ soldat,
Gaydyp geldiñ, dostlañ goldap,
Bir gözeli dula çekdiñ.

...Sapak berdi alym hakdat,
Öyüñ kitap, yüküñ kitap.
Gündiz yanyp, gije tütäp,
Shahyr bolduñ, "molla" çykdyñ.

Iller saña diydi shahyr,
Azda-kände adyñ zahyr...
Diri wagtyñ bolma pahyr,
Çyksañ lowlap ile çykgyn.

Shahyrlyk bir jañly kerwen,
(Yolda diñlen, öyde diñlen)
Diñlenmeseñ
Yene derrew,
Çep gulakly pile çykgyn...

Kerim Gurbannepesow