atakulyyewa_humay
14.10.2022 21:24
🌏 Köl bu näme?! Gury ýerde suw ýygnan tebigy oý ýere köl diýilýär.
🌍 Kölleri öwrenýän ylma-Limnologiýa diýilýär. Bu ylmyň düýbüni tutujy şweýsariýaly alym Forel Fransua Alfons hasaplanýar.
🌎 Häzirki wagtda ýer ýüzünde 5 million töweregi köl bardyr.
🌏Ýer şarynda ähli kölleriň tutýan meýdany 2,7 million km kwadrat (ähli gury ýeriň 1,8 %). Bu bolsa Gazagystan döwletiniň meýdanyna deňeçerdir.
🌍Ýer ýüzünde iň uly köl Hazar (Kaspi) bolup, tutýan meýdany 371 müň km.kw.
🌎Iň çuň we iň süýji suwly köl ýer ýüzünde Baýkal kölidir. Tutýan meýdany 31,5 müň km kw. Iň çuň ýeri 1642 m bolup, 336 derýa gelip guýýar.
🌏 Dünýäde iň arassa köl Ýaponiýa döwletinde ýerleşýän Maşu köli hasaplanýar. Onuň suwy Baýkal kölinden hem arassadyr. Çuňlugy bolsa 40 metr.
🌍 FINLÝANDIÝA döwletiniň territoriýasynyň 10% köller tutýar.
🌎 Deňiz derejesinden iň beýikde ýerleşýän köl Titikaka kölüdir. (3812 metr)
🌏 Ýer ýüzünde Hilyer köli ýeke täk gülgüne reňkli köldür. Bu täsin köl Awstraliýanyň Reşerş arhipelagynda ýerleşýär.
🌍Ýer ýüzünde iň köp we iri köller bolsa Kanadada ýerleşýär.
🌎Eýsem, siz Meduza köli diýip eşidipdiňizmi?! Bu köl Paulu döwletinde ýerleşýär. Bu köl meduzalaryň iň toplanan ýeri bolup, kölüň ady hem şonuň bilen baglanyşyklydyr.Bu ýerde takmynan 2 milliondan gowrak meduzalar ýaşaýar.
🌏 ABŞ-nyň Minnesota ştatynda 150-den gowrak köl bolup, olar ,,Uzyn köller " diýip atlandyrylýar.
🌍 Täsin kölleriň biri Trinidad adasynda ýerleşýän köldir. Bu kölüň aýratynlygy onuň aşagynyň durşuna asfalt bilen örtülen bolmagydyr
🌎Biz köl diýilse hökmany onda suw bolaymaly diýip düşünýäs. Ýöne käbir köllerde bolsa suw bolmaýar. Olar-da hem suw bar, ýöne olar bellibir döwürde guraýarlar.
🌏 INDONEZIÝADA 3 reňkli köl bar. Bu kölüň suwynyň reňki mawymtyl-gök, gyzyl we gara reňkler bilen çalşyrylyp durýar. Bu köl wulkanik kölleriň biridir
🌍 Ýer ýüzünde ýeke täk akula ýaşaýan köl -Nikaragua kölüdir.
