Tekrarlaýabilmen özge pikiri,
Hem özge şahyrlañ şygyrlaryny.
Hut sözleýşiñ içre duýmak isleýän
Ruhuñ päl-niýetin,pygyllaryny,
Ahmyryñ,
ynanjyñ
etsem-petsemiñ,
Pynhan hyýallaryñ gül dänelerin.
Gözden syzýanlara ýok garşylygym.
(Olar kimin düşbi bolman bilerin)

Bolanymda näme?
Gyz göwni dälmi?!
Dillenmeseñ mümkin yza tesmegim.
Düşünäý barybir,eşdesim gelýär
Zybanyñda sazlaşyşyn sesleriñ.

Päsgel berme,goý,ýardam ber,başarsañ
Pikir söze,sözler jümlä gowuşsyn.
Bilmek eziz bo:rdy,meñ üçin sözleñ
Şirinden-şirinin saýlap goýuşyñ.

Iñ naýbaşy eserlere,kitaba
Deñäp bilmen kelamlaryñ gymmatyn!
Goý diýsinler "Söz zerur däl söýgide"
Dymma sen!

Mahym Nurgeldiýewa