,,Bir Allaha uý" diýerdiñ,
Aýdyşyñ deý uýdum eje!,
,,Hyýallarñy goý" diýerdiñ,
Emma bilmän söýdüm eje!.

Içde gizläp köýgülermi,
Zyñyp bilmän gaýgylarmy,
Duýma diýen duýgularñy,
Bir gözelde duýdum eje!.

Seýiklenen daşdan gaty,
Aýdylmadyk sözlem ýatyr,
Ýürek diýlen garamaty,
Elim bilen soýdum eje!.

Darkaş edip gahrym bilen,
Umytlanan şährim bilen,
Maña beren mähriñ bilen,
Özge birin çoýdum eje!.

Boýun alyp, ýananlygmy,
Bagt atynyñ çamanlygny,
Indi bilip ýalanlygny,
Ynanmagy goýdum eje!.

Ýörän ugrum çarkandakly,
Gözýaşym syrjak ýandakmy,
Ýazgydym diñe ýanmakmy,
Men näme üçin dogdum eje?!...

Awtory: Baýram Bejidow