Bagtdan ýaña aýnap gezerim ýaly,
Ezizim sen maña ,,söýýän" diýsene!,
Geljegiñ ýumagyn çözerim ýaly,
Ezizim sen maña,,söýýän" diýsene!.

Ýeke sensiñ ynjyk göwniñ hossary,
Emle ahyr dert tapynan hassañy,
Unudaýyn ähli gaýgy-gussamy,
Ezizim sen maña,,söýýän" diýsene!.

Ganat gerip bürgit ýaly uçaýyn,
Aladadan biraz ara açaýyn,
Telbe ýaly bökip serden geçeýin,
Ezizim sen maña,,söýýän" diýsene!.

Tukat durmuş aljyratýar käteler,
Ömir geçýär günler bilen gädilip,
Bahyllarym gulak gersin säginip,
Ezizim sen maña,söýýän" diýsene!.

Hassalan duýgylam ýetende neme,
Ýürek emenmesin gaýgyly heñe,
Kalbyñ çuñ ýerinden syzdyryp ýene,
Ezizim sen maña,,söýýän" diýsene!.

Awtory: Baýram Bejidow