Arykdan aşypdyr, hyjuwly köñlüm,
Atygsaýar asman sary pelpelläp,
Meni taşlap giden tanyş ýüzlerim,
Umyt edýän, indi gaýdyp gelmez-le.

Duýgym bilen, duýgydaşlyk bildirip,
Yhlas etdim paşmasa-da wysalym,
Hasabymdan ezber gelip nesibe,
Kineleñ, gussalañ içinde galdym.

Şükür diýdim, sabrym bilen dyrjaşyp,
Añşyrmadym sowuk ýüzleñ sargysyn,
Eñremedim, eñşemedim ýegşerip,
Ýeñjek boldum kyn günleriñ görgüsin.

Käte ejizlesem geñ görme ykbal!,
Bagty güjeñläñde emeneniñ men.,
Eý durmuş sen menden nägile bolma,
Ulalyp oñarman, gomalanyñ men...

Awtory: Baýram Bejidow