Tapyp bilemok köp zatlaň jogabyn
Düşünmek kyn, düşündirmek has beter
Kim baýlyk toplar, kim toplar sogabyn
Düşünmek kyn, düşündirmek has beter

Iş bitirseň senden uly minnetdar
Bitmese-de dagdan uly minnet bar
Göwne däl, puluňa görä hümmet bar
Düşünmek kyn, düşündirmek has beter

Wah, bolýan zatlara özümem haýran
Daşyndan gül ýaly, içinden haýwan
Niçiksi zamana, niçiksi eýýam
Düşünmek kyn, düşündirmek has beter

Ösüşiňi näçe etseňde taryp
Barybir peýdasyz düşünje garyp
Guwanýan azajyk, birtopar görip
Düşünmek kyn, düşündirmek has beter

Şygar boldy, iş etjege garansaň
"Ýeterlik-laý iş bitýänçe ýaransaň"
Her kimiňki iýmek boldy g:alan soň
Düşünmek kyn, düşündirmek has beter

Gyz-gelin bolmalydy pagta ýaly
Ýigitler bolmalydy pugta ýaly
Tersine boldy-gitdi, gaýta bary
Düşünmek kyn, düşündirmek has beter

Müşgil boldy söýgüniň çyn-ýalany
Bugün Jeren söýdi, erte Maraly
Söýeni on boldy, birdi alany
Düşünmek kyn, düşündirmek has beter

Ýaňy dil biteniň dilleri sögünç
Eşdilenok ene-atadan käýinç
Utanmak hiç ýok, däl ýüzleri narynç
Düşünmek kyn, düşündirmek has beter

Il edýär - oglum senem edenňi et
Il edýär - gyzym senem edenňi et
Şeýdip-şeýdip dagady medeniýet
Düşünmek kyn, düşündirmek has beter

Aýlar, ýyllar geçip dur.
Geçip dur gün
Ajal bir gün geler, garşy alar gum
Ylham kän gürlediň, indi senem dym!
Düşünmek kyn, düşündirmek has beter


Ylham GURBANALYÝEW (2021)