Näme üçin köpräk suw içmek möhüm?

Bedenimiziň takmynan 70 göteriminiň suwdan emele gelýändigini göz öňünde tutsak, suwuň näme üçin möhümdigi belli bolýar. Onda suwuň peýdalary näme?

Suwuň saglygyňyza 11 peýdasy:

Bedenimiziň ýaşamagy üçin iň möhüm zerurlyklaryň biri suwdyr. Bu möhüm kaloriýasyz içginiň 11 peýdasy…


1. Agrylaryñyzy ýeňilleşdirýär:

Bedenimiziň takmynan 70 göterimi suwdan durýar. Bogun aralaryndaky suwuklygyñ düzüminde hem suw bar. Ýeterlik suw içmesek, bogun arasyndaky suwuklyklar bilen bilelikde bogunyñ typançaklygy hem azalýar. Bu hereket wagtynda bogunlarda agrylara we seslere sebäp bolýar. Bejerilmese, artikulýar ýüzler kütelýär we hemişelik bogun bozulmalary ýüze çykýar. Suw içmek, agyrysyz hereket etmek üçin iň ýönekeý öñüni alyş çäresidir.

2. Suwsuzlyk uky döredýär:

Bedeniň dolandyryş merkezi bolan beýniniň, beýleki organlar ýaly kadaly işlemegi üçin suw gerek. Uzak wagtlap teşnelikde ýatdan çykarmak, ünsiň bolmazlygy, ukusyzlyk, duýgynyň we hereketiň peselmegi, gaharlanma ýüze çykýar. Sagdyn akyl işjeňligi üçin suw zerurdyr.

3. Deri keselleri döräp biler:

Suw ýeterlik bolmasa deriniň guramagy we derlemegiñ peselmegi ýüze çykýar. Beden ýylylyk deňagramlylygyny saklap bilmeýär, deri çeýeligini ýitirýär. Esasanam ekzema we kömelekler ýygy-ýygydan görlüp, dyrnaklar we saçlar döwülýär, deride ýaralar döräp gan akma ýüze çykýar. Beden mikroblara garşy güýçsizleşip başlaýar.

4. Myşsa näçe köp bolsa, suwa bolan isleg artýar:

Sport bilen meşgullanýan wagtyňyz has sagdyn bolmak üçin deňagramly iýmitlenmäge, yzygiderli uklamaga we ýeterlik suw içmäge üns bermeli. Bedende myşsa massasy artdygyça, suwa bolan isleg hem artýar. Sport bilen meşgullanmazdan ozal we soň suw içmek, myşsalaryň gysylmagy we spazmlar bilen göreşmekde örän täsirli.

5. Stress wagty suwsuzlyk duýýarys:

Beýnimiziň 85% -i suw. Bedenimizde ýeterlik iýmit we suw ýok bolsa, özümizi stressli duýýarys. Açlyga we suwsuzlyga çydap bilmezligimiziň sebäbi beýnimiziň bu ýagdaýlarda ýangyç, ýagny iýmit we suw almazlygydyr. Uzak gün gaharly we rahatsyz adamlar ýeterlik suw içmeýän bolup biler.

6. Näme üçin göwrelilik döwründe suwa zerurlyk artýar?

Göwrelilik döwründe bedeniň suwa bolan islegi ýokarlanýar. Çaganyň ösüşi enäniň göwresindäki amnion diýilýän suwuklykda bolýar we enäniň gany köpelýär, bu bolsa köp suw içmegi talap edýär. Göwrelilik döwründe problemasyz göwrelilik we sagdyn çaga üçin ýeterlik suw kabul etmek möhümdir.

7. Içegäni sagdyn saklaýar:

Süýümli iýmitler we köp suw iýmit siňdiriş ulgamynyň kadaly işlemegini üpjün edýär. Ýeterlik mukdarda suw içmezlik iýmit siňdiriş ulgamynyň pes işlemegine we iç gatamagyna getirýär. Iç gatamagynyň we iýmit siňmezliginiň öňüni almak we iýmit siňdiriş ulgamynyň kadaly işlemegini üpjün etmek üçin köpräk suw içiň.

8. Agyz saglygyny goraýar:

Ýeterlik mukdarda suw içmezlik, tüýkülik sekresiýasyny azaldýar. Bu hem ýakymsyz ysyň döremegine sebäp bolýar. Şonuň üçin gündelik içýän suw mukdaryñyza üns bermek peýdaly bolar.

9. Näme üçin suwsuzlykda peşew goýy reñkde bolýar?

Bagyr we böwrekler zäherli maddalaryň bedenden aýrylmagyny üpjün edýär. Ýeterlik suw içilmese, toksinleri bedenden çykaryp bolmaýar, peşewiň mukdary azalýar we reňki goýalýar. Minerallaryň toplanmagy bilen böwrek daşynyň emele gelmegi, bagyrda toksinleriň toplanmagy bilen bagyr keselleri ýüze çykýar. Şonuň üçin her gün ýeterlik suw içmek möhümdir.

10. Suwuň gandaky täsiri:

Damarlardaky aýlanýan ganyň köp bölegi suwdan durýar. Gan öýjükler üçin zerur kislorody göterýär. Suw ýeterlik içilmese gan mukdary peselýär, gan aýlanyş tizligi haýallaýar, gan goýalýar, aritmiýa emele gelýär, gan basyşy peselýär, pes gan basyşy sebäpli huşsuzlyk bolup biler. Bu, ýürege we beýleki organlara gidýän ganyň mukdaryny azaldýar. Ýürek agyry we insult ýaly keselleriň ýüze çykmagyny ýeňilleşdirýär.

11. Aşgazan kislotasynyň artmagynyñ öňüni alýar:

Reflux we gastrit, adamyň durmuşyna ýaramaz täsir edýän kesellerdir we wagtynda bejerilmese hatda rak keseline öwrülip biler. Bu keselleriň iň möhüm sebäbi aşgazanda aşa köp kislotanyň bölünip çykmagydyr. Ýeterlik suw içmek bilen aşgazanyň kislotasynyň bölünip çykmagynyň aşgazana we gyzylödek diwaryna zeper ýetmeginiň öňüni alýarys.

Günde näçe mukdarda suw ýitirýäris?

Her gün ortaça 1500 ml suw peşew bilen, deriden derlemek we bugarmak arkaly 400 ml, dem alyş bilen 200 ml, dem alyş howasyny çyglandyrmak üçin ortaça 300 ml suw sarp edilýär. Umuman alanyňda, her gün ortaça 2500 ml suw ýitýär. Tomusda bu mukdar takmynan 500 ml. Iýmitden alýan suwumyz, bu zerurlygyň diňe 20-30% -ini kanagatlandyrmak üçin ýeterlikdir. Sagdyn durmuş üçin günde ortaça 2-3 litr suw içmeli.