Russiýaly kliniki psiholog Irkýam Ahmerowa adamda ýaňy başlanan göwnüçökgünligiň alamatlary barada gürrüň berdi. Hünärmeniň aýtmagyna görä, depressiýanyň ilkinji alamatlaryna işdäniň gaçmagy we sebäpsiz perwaýsyzlyk hem degişlidir.

Lukman depressiýanyň ilki döwürlerinde adamyň özüni alyp barşyndaky üýtgeşmelere ünsi çekdi, olar parhsyzlyk, dowamly howsala, uzak göwnüçökgünlik hem-de nahardan ýüz öwürmekdir.

Ahmerowanyň aýtmagyna görä, depressiýa ýagdaýy sebäpli adamyň ukusy bozulýar, beýleki adamlar bilen gepleşmekden ýüz öwürýär. Ony öň göwnüne ýaraýan güýmenjeleri gyzyklandyrmaýar. Eger şeýle alamatlar ýüze çykan halatynda haýal etmän hünärmene ýüz tutmalydyr diýip, lukman maslahat berýär.

Hünärmen depressiýa ýolugmagyň öňüni almak üçin sport bilen yzygiderli meşgullanmagy, dürli iýmit rasionyny alyp barmagy hem-de gije-gündizde sekiz sagatdan az bolmadyk rahat ukyňy almagy maslahat berýär.