Boş ýatmagyn, ömriň ýaka
Ýeterlik dälmi, şu çaka?!
Kitap bilen durmuş oka
Derman beýniň darlygyna

Ataň bürgüt, eneň algyr
Sen sag bolsaň, olar gurgyn
Baky däldir, gider bir gün
Etgin şükür barlygyna

Alan şänigiň çyksa pak
Hataň gözle, soňuna bak
Şere çekme-de, haýyr tap
Diýme maňlaý şorlugyna

Arzuw kändir etjek bolsaň
Gowsy etme, ýatjak bolsaň
Daş ýollardan ötjek bolsaň
Bakma ökjäň ýarygyna

Söýgi-bile söýmek üçin
Däldir ýeke köýmek üçin
Ýar söýgüsin almak üçin
Bargyn köňül şalygyna

Ylham sözle, ýalan aýtma
Çenden çykma, bärden gaýtma
Hemmezady anyk öýtme
Ýet änigi-şänigine


Ylham GURBANALYÝEW (2021)