Ömrüň bir gün bolup giji
Bar zatlaryň galmaz hiçi
Gitmänkä ýigrimiň güýji
Durulmajak badyň bolsun

Belet bolgun şeýle hala
Her gelen zar däldir nana
Berip güler ýüz myhmana,
Kalpda göwün şadyň bolsun

Bu bir durmuş, senem adam
Gaýgy bile gerek şadam
Il adamy bolsaň mydam
Ýakyndan ýeg ýadyň bolsun

Urmankaň harama eliň,
Haramyň soňuny göriň
Dökensoň halaldan deriň,
Yhlasa-myradyň bolsun

Oguldyr maşgalaň bady
Gyzdyram göwünleň şady
Ikisem ýok tapawudy
Yzyňda zürýadyň bolsun

Ajalam belli başda däl,
Hem uly-kiçi, ýaşda däl
Ölensoň mazar daşda däl,
Ýüreklerde adyň bolsun


Ylham GURBANALYÝEW (2021)