Melikee
10.09.2022 10:50
Eger saňa ýetmän öläýsem birden,
Aýt gabrymy has çuňrak gazsynlar.
Mazaryň üstüne mermer daş goýup,
Oýup-oýup "Bagtsyz" diýip ýazsynlar.
Eger bir gün şyňlamasa gulagyň,
Bu dünýäden ötenimi bilginiň.
Guramanka mazarymyň topragy,
Soňky gezek hoşlaşmaga gelginiň.
Gelip ýuwaşjadan epseň dyzyňy,
Bir pursat ýatlasaň söýen gyzyňy.
Diýersiň, kim ýazar kim okar berer,
Soňlanmadyk söýgümiziň yzyny.
Men seredip gararyn ol gözlere,
Aýralyk perdesin alyp ýüzüme.
Şemal bolup saçlaryňy dararyn,
Eşitsemde jogap bolmaz sözüňe.
