ÖÇE BAŞLADY

"Demirler asmanda ganatlap uçar"
Magtymguly Pyragy

Pyragym bak, sozüñ öz ýerin tapýar,
Asmanda polatlar uça başlady,
Emma ynsanlaryñ ynsaby gopýar,
Köpler namysyndan geçe başlady...

Düýnjek ýary bilen bagtlydy Güller,
Ýigidi onuñ üçin sowurdy pullar,
Bu gün unudulyp şol gecen günler,
Güller özge ýigdi guça başlady.

Mergen bir çüýşäniñ açdy gapagyn,
Sypap, ýanyndakyñ uzyn gulpagyn,
Dört çüýşä ýetensoñ zyñyp telpegin,
Bar aýbyny ile aça başlady.

Süýtden doly göwsün sorup enäniñ,
Soñundan üssüne üýrüp enäniñ,
Garrandygyn duýup bu perişdaniñ,
Perzentler assadan gaça başlady.

Ownaýar erkekler ýene bir rast söz,
Garynlar doýsa-da, açdyr gara gözler,
Bir näzik zenana gelip ýürek döz,
Ýigitler boş anty içe başlady.

Kerim ýazar emma, däldiris şahyr,
Her ynsandan şahyr, çykanok ahyr...
Ele galam alyp, her ýeten jahyl,
Ýazdy, poezýamyz öçe başlady.

AWTORY: KERIM HALLYÝEW......