Melikee
07.09.2022 08:12
Ýaňy bir aňymdan öçen ýalydyň,
Ýene düýşe girip, otlaýaň meni.
Hasratlardan bir az göçen ýalydym,
Ýaňadan göz ýaşlap ýatlaýan seni.
Özgä nesip boldy seniň gül roýuň,
Bir ölmedim synlap suratyn toýuň.
Ne kylsamda ahyr almaly boýun,
"Öçmejek söýgüm" diýip ýatlaýan seni.
Saňa duşup gaş kakdymmy başga men,
Senden özgä bakan bolsam käşkä men.
Indi adyň ýazyp bilmen goşga men,
Özgäň namysy diýip ýatlaýan seni.
Goşguda söýgümiň ýetmez beýany,
Sensiz dünýe parhsyz o ýan bu ýany.
Höwes ýanyp, çüýrän arzuw hyýaly,
Hak synagydyr diýip ýatlaýan seni.
Dogumuňa zat barmy, müşgillik düşse,
Saklatmaz çyn söýgüň göz ýaşy joşsa,
Ýolda-yzda saňa çalymdaş duşsa,
Ähli zady unudyp ýatlaýan seni.
"Her işde bir haýyr barmyş" diýilýär,
Gözellikden edep çuňňur söýülýär.
Seň mähriňi ýatlap bagrym gyýylýar,
Ýetmedik bagtym diýip ýatlaýan seni.
