Melikee
06.09.2022 08:36
Çaga bolup dünýä inen mahalyň,
Dakylan at ýöne ýere dakylmaz.
Dünýäde her zadyň sebäbi bardyr,
Mertebäň bolmasa gapyň kakylmaz.
Hökümdar bolsa-da beýikler, begler,
Ölümiň öňünde boýny egiler.
Duşman ýoluň ýapjak bolsa-da näler,
Allaň saňa açan ýoly ýapylmaz.
Kösenen ýeriňde doganyň gelse,
Dost diýen ynsanyň dogan dek bilse, Maşgalaň arkaňda dik duran bolsa,
Kynçylykdan arkaň ýere ýykylmaz.
Agzy birdir duşmanlary ýykanlaň,
Az däl aýralykdan ömrün ýakanlar.
Wagt barka gadryny bil ýakynlaň,
Soň söýenleň kagyz pula tapylmaz.
