Ynjan kalbym döwün-düwün,
Ynam etdim, syndy göwün,
Içde umyt düwünçegim,
Ýaryldy, ýaryldy käbäm!.

Salynsa-da köñle talañ,
Senbir eşdeweri nalam,
Aýap saklan körpe balañ,
Awundy, awundy käbäm!.

Uzadyp uzyn dillerin,
Çyrşadylar öz kirlerin,
Durmuş hakda pikirlerim,
Garyldy, garyldy käbäm!.

Täleý bereninde baham,
Giñ öýderdim älem-jahan,
Miwelejek gülli şahañ,
Ýapragy saraldy käbäm!.

Men günäkär boýun ýogyn,
Baş egmedim boýun bolup,
Neçün durmuş oýunlaryñ,
Awusy agyrly käbäm?!.

Saýlap içinde ezberin,
Şowsuzlyk dökdi leşgerin,
Bilmen haýsy etmişlerim,
Ar aldy, ar aldy käbäm!...

Awtory: Baýram Bejidow