JEZA

Ilki gözleriñde uçgun göründi,
Soñ ýuwuldy ýañaklaryñ ýaşyña.
Ençe çarşenbäni garşylap-sowan,
Bireýýäm çal sepen gara başyña
Balañ ýene gam getirdi duýdansyz,
Nem ýetirdi kirpikleriñ tygyna.
Indi bolsa ahmyryndan basylyp,
Dymýar ýüzün tutup ýeliñ ygyna.

Ötünçler, ýazyklar goýmaz erkine,
"Giräýsem"diýýändir ýarylmaz ýer-de.
Ejesiniñ aglaýşyny synlansoñ
Şondan uly jeza bormy perzende?!

Mahym Nurgeldiýewa