Tersine deý hazan urmuş durmuşam,
Diñe ýok ýerimden tutýar şu günler,
Derdim diñläp, syrlarymy syrlaşan,
Diñe o:t ýerimden tutýar şu günler.

Mährine çoýunsañ ýakyp, gowuran,
Arasynda gowysy az gowylañ,
Gursagym ýok ýerden düşüp dowula,
Täleýim erkimi utýar şu günler.

Hak sözleñ ornuna ornaşdy teññe,
Ykbalam tutup dur şol öñki heñne,
Ýylgyrsam ýüregme çümüp dur iññe,
Gussalam şatlygmy bukýar şu günler.

Añlary ýalañaç, pikiri çyplañ,
Diýseñ-ä bahyllyk, diýmeseñ, akmak,
Gör! Kada öwrüldi dostlugy satmak,
Ynanan ynsanlañ ýakýar şu günler.

Halallyk azaldy, azaply hinde,
Ertire umyt az, haýyr ýok düýn-de,
Owal sadalygy goldan bu dünýe,
Bilmen, nirelere akýar şu günler?!...

Awtory: Baýram Bejidow