Näme isleýäňiz menden,
Alanyňyz ýetmedimi.
Ýadamadyň islemekden,
Size borjym bitmedimi.
Ýyllar, ýyllar, ýyllar.

Çäresizlik bolduňyz siz,
Meni darda goýduňyz siz,
Ýerden-ýere urdyňyz siz,
Ynsabyňyz ýokmy ýyllar.
Ýyllar, ýyllar, ýyllar.

Eretdiňiz damja-damja,
Gopardyňyz ýaprak-ýaprak,
Atdyňyz siz tolkun-tolkun,
Siz, ezdiňiz meni ýyllar,
Ýyllar, ýyllar, ýyllar.

Dertlerimi bilmediňiz,
Kynçylygymy görmediňiz,
Maňa pursat bermediňiz,
Saýaňyzda, ýaşamadym,
Ýyllar, ýyllar, ýyllar.