.............
Eje ýatanyňy görmän ýatmaýar
Seniň iýeniňi görmän iýmeýär
Öziň bir sebäbe gamlansaň çala
Seň gamgyn halyňa ejeň aglaýar.

Köseneňde duýdurmaýar zarlygy
Bildirmeýär giň dünýäniň darlygy
Gözlemek gerekdäl bagty eşreti
Egsilmez bagtdyr ejeň barlygy.

Eje bilen aýlanyp dur ýer şaram
Aýlanar pasyllar geler ýazlaram
Çaga bol uly bol etseň ýalňyşlyk
Çyn ýürekden eden däldir gaharam.

Şahyr goşgy goşýa eje hakynda
Ýazaýda müň dessan şoňa galanda
Ejeň barka bagty gözläp ýadama
Biderek ýaňrama gaýgy hakynda.

Orash Ovezberdiyev