9-njy synp bosagasynda...

Ynanyň, ýadymdan çykmaýar asla!
Kiçijik oglandym, altyda ýaşym...
On dördünji ýylyň altyn güýz pasly,
Sentýabryň biri... Okuwyň başy.

Ol wagt tanamazdym synpdaşlarmy,
Bilýän zadym däldi mekdep diýlen zat.
Maňlaýym ýygyrýan dikläp gaşlarmy...
Mugallym diýlenem bir bigäne ýat.

Synpyň içinde-de hatar partalar,
Herimiz birine oturdyk bilmän.
Maňa öwretdi şol bigäne aýal,
Owadan ýazmagy tutup elimden.

Ýatlap başlangyç synp okuw döwrümi,
Bu goşgyny ýöne ýazamok asly.
Sekiz ýyly derrew geçäýipdiris...
Ertirem sentýabr... Tylla güýz pasly.

31.08.2022ý.

Aly Şirhan Daýhan ogly
''Geldi Döwran...'' goşgular ýygyndymdan (ähli hukuklary goralan).