Ynam, umydy ýitirip,
Sensiz oñmaly bolmasyn,
Bagty elimden gidirip,
Aglap, dymmaly bolmasyn.

Janymy eýlesem pida,
Aýralyk etmesin jyda,
Ýetişmerin çekip-çydap,
Gussañ ýynnamy bolmasyn.

Günäm köp bolsa, ýüleýin,
Kimiñ kimdigni bileýin,
Çykalga ýokmy öleýin,
Haram ýygmaly bolmasyn.

Ömri hoş ötüren barmy?,
Geljegiñ özüñe bagly!,
Wyždanyn ýitiren ýaly,
Tüme yñmaly bolmasyn.

Arzuwym köpeldi känden,
Sanadym ýekän-ýekänden,
Dyrmyşyp münen depäñden,
Aşak zyñmaly bolmasyn...

Awtory: Baýram Bejidow