Güne ýatyp alynmaýar abraý, at,
Güne ýanyp ýetilýändir ýetilse.
Eşikleriñ hapalygy utanç däl,
Halaldan ýetirsin näme ýetirse.

Güýçli ýagan ýagmyr tiz siñer ýere,
Haýal ýagsa toprak saklar çyglygyn.
Köp aýlygy arzuw etme Alladan,
Nesibesi bilen bersin azlygyn.

Ýokary bolsada çäýnegiñ çüñki,
Guýjak bolsañ egler käsäñ öñünde.
Pully wagtyñ asla men-menlik etme,
Garybada el seräýme soñunda.

Duzam daşdan çalym eder şekere,
Tagamyn datmasañ bilip bolanok.
Ynanmagyn her gülüp bakana,
Her adama jan ynanyp bolanok.

Bu durmuşdyr, ertesini gören ýok,
Şu gün bilen ýaşamalyñ durmuşda.
Elmydama geçmişiñden sapak al,
Ýöne asla ýaşamagyn geçmişde.

Mollanyýaz Hakyjanow