..............
Şol gün diňe ejem bardy ýanymda...

Käteler beýikden pese düşemde
Käte bolsa pesden beýige çykamda
Agyr, ýeňil düşen her bir günümde
Şol gün diňe ejem bardy ýanymda

Her kim ýakynymdan gaçyp gidende
Maňa durmuş dar kapasa bolanda
Gözlerimden ajy ýaşlar akanda
Şol gün diňe ejem bardy ýanymda

Utulamda söýgi atly oýunda
Pikirlerim azaşanda beýnimde
Göwnüm ynjap ünji boldy ýüzümde
Şol gün diňe ejem bardy ýanymda

Wagty gelip döwür menden geçende
Ömrüm ýeňsiz ak köýnegi biçende
Ruhum bedenimden göge uçanda
Emma şonda ejem galsyn jahanda.

Orash Ovezberdiyev